Митко Јанчев за ,,Фокус”: По консултација со д-р Караџоски и д-р Филипче, ќе имаме онлајн протести 

По консултации со министерот за здравство Венко Филипче и претседателот на Комисијата за заразни болести, д-р Жарко Караџоски, тие дошле до заеднички став, дека протестот не треба да се одржи во овој кризен период, кога бројките на новозаразени лица со корона вирус, секојдневно се во пораст.

-Се согласувам дека здравјето на граѓаните е на прво место. Се консултирав со Филипче и со Караџоски уште рано утринава, според нивните препораки дека протестот може да го загрози јавното здравје, решив да го одложам истиот.
Но, тоа не значи дека отстапуваме од нашата цел, Мицкоски да замине од челната позиција во партијата.
Ќе имаме конференции во повеќе градови, еден вид на онлајн протести, бидејќи партијата мора да застане на цврсти нозе – вели Јанчев.