Момчето-убиец Коста К. сакал да го доживуваат како психопат и да се плашат од него – неговите зборови ги шокирале присутните во судницата

Момчето Коста Кецмановиќ, кое на 3 мај минатата година во основното училиште „Владислав Рибникар“ во Белград, изврши масакр на девет врсници и еден обезбедувач, сведочејќи во постапката против неговите родители, рече дека сакал другите деца да го сфатат го како психопат и до стравуваат од него, според неофицијални информации

По злосторството момчето повикало полиција и рекол: „Пукав во училиштето“, а на прашањето зошто го направил тоа одговорило: „Јас сум психопат“. За време на распитот, на прашањето дали некој претходно му рекол дека е психопат, тој одговорил дека му рекол – татко му.

Момчето изјавило и дека неговите родители Миљана и Владимир Кецмановиќ постојано го притискале да биде најдобар. Тој додаде дека злосторството на 3 мај никогаш немало да се случи доколку неговиот татко немал оружје во куќата и не го водел на стрелиште.

Според информациите, за време на сведочењето во Специјалниот суд момчето на бројни прашања одговарало со: „Не знам“ и „Не се сеќавам“. Меѓу нив беше и прашањето: „Зошто ги убивте нашите деца?“, на кое тој не даде конкретен одговор.

Момчето завчера нешто пред девет часот од клиниката каде престојува од 3 мај минатата година беше префрлено во Специјалниот суд каде повеќе од четири часа сведочеше на судењето на неговите родители. Неговиот татко е обвинет за тешко кривично дело против јавната безбедност бидејќи го однел синот на стрелиштето, го научил да пука и му овозможил пристап до пиштолите со кои го извршил делото. Мајката на момчето била обвинета за недозволено поседување оружје, а нејзината ДНК била пронајдена во училницата по историја.