МВР: Еден повреден, вечерва пукано во автомобил со австриски таблички во Синѓелиќ

Од МВР потврдуваат дека едно лице е повредено при пукањето кое се случи вечерва во скопската населба Сингелиќ.

-На 19.08.2024 околу 20.50 часот во СВР Скопје било пријавено дека на бул. ,,Александар Македонски” од патничко возило во движење било пукано во патничко возило ,,пасат” со австриски регистарски ознаки, при што со повреди се здобило едно лице кое е пренесено во Клинички центар.

Мета било лице со иницијали Н.А. Пукањето се случило кај местото викано „Агросервис“.

На лице место се пронајдени седум чаури.

Се преземаат мерки за расчистување на случајот, соопштија од МВР.