Најмалку 20 лица загинаа во пожар во дом за стари лица во северна Кина

Дваесет лица загинаа во пожар во дом за стари лица во северната кинеска провинција Хубеи, објавија локалните медиуми во средата, пренесе ДПА.

Пожарот избувнал вчеравечер во дом за стари лица во близина на градот Ченгде, на околу 220 километри североисточно од Пекинг, објавија кинеските државни медиуми повикувајќи се на локалните власти.

Другите жители на установата се пренесени во блиските болници на лекување, пренесува ДПА.

Експерти од локалната самоуправа се наоѓаат на лице место за да ги координираат напорите за спасување, соопштија државните медиуми, додавајќи дека се истражува причината за пожарот.

Директорот на домот е уапсен, јавија кинеските медиуми