НАТО ја почна најголемата вежба за кибер одбрана во светот

НАТО синоќа почна во Естонија најголема вежба за кибер одбрана во светот, со повеќе од 3.000 учесници од 38 земји, со цел да се развие подобра одбрана од софистицирани кибер закани

Вежбата Locked Shields се одржува секоја година, а домаќин е CCDCOE, еден од центрите на НАТО, лоциран во Талин, главниот град на Естонија. Вежбата оваа година ќе трае до 21 април.

Вежбата вклучува одбрана на компјутерски системи од напади во реално време, како и известување за инциденти, донесување стратешки одлуки и решавање на форензички, правни и медиумски предизвици.