Невакцинирани 85 отсто од новите КОВИД случаи и 91 процент од хоспитализираните

epa09417753 An ambulance carrying a patient infected with COVID-19 arrives at the University Clinic for Infectious Diseases in Skopje, North Macedonia, 17 August 2021. The number of new coronavirus cases has grow at an alarming rate in North Macedonia over the past two weeks.The situation with the COVID-19 has drastically worsened. Capacities of infectious diseases clinics have been filled. North Macedonia?s Government start with implementation of anti-COVID-19 measures for those who did not get a vaccine. Citizens who have not received the vaccine against COVID-19 cannot enter cafeterias, restaurants and all public enclosed spaces. The penalty for non-compliance with the new measures is up to 30,000 euros from the owner of the facility. EPA-EFE/GEORGI LICOVSKI

Министерството за здравство соопшти дека 85 отсто од новите КОВИД случаи и 91 процент од хоспитализираните се невакцинирани.

Според двонеделната анализа, од 06.08 до 19.08.2021 на територијата на државата 9881 граѓанин се позитивни од тестираните на КОВИД. Од нив 1507 биле целосно вакцинирани (со две дози) или само 15 проценти.

-Голем е бројот на невакцинирани граѓани кои се заразиле со КОВИД. Според двонеделната статистика, 8374 граѓани од позитивните не биле вакцинирани. Процентот на хоспитализирани лица кои се невакцинирани изнесува 91, додека само девет отсто од сите 724 моментно хоспитализирани пациенти се целосно вакцинирани. Смртноста кај невакцинираните е драстично поголема, покажува анализата. Во период од две седмици на територија на државата починало 101 лице, 92 пациента од починатите не биле вакцинирани, а само девет лица, односно осум проценти, примиле вакцина. Според анализите, починатите имале повеќе хронични заболувања, наведува Министерството.

Заразените и починатите се вакцинирани со вакцини што ги има на располагање кај нас, како и вакцини Модерна и Џонсон и Џонсон, кои некои од пациентите ги примиле во странство.

Министерството за здравство уште еднаш укажува на важноста на вакцинацијата.

-Секоја вакцина што ја имаме на располагање е безбедна, ја намалува шансата од заболување, спречува тешка форма на болеста и штити од смртен исход. Апелираме граѓаните да се вакцинираат, само така ќе дојдеме до колективен имунитет и ќе спречиме ширење на мутации на СарсКов2, истакнува МЗ.

Во анализата за вакцинирани се сметаат лицата вакцинирани со две дози, кои поминале најмалку 14 дена од примање на втора доза.

Back to top button
Close