Османи: Ердоган може да го убеди Вучиќ да го признае Косово
Претседателската на Косово, Вјоса Османи смета дека претседателот на Турција, Реџеп Таип Ердоган може да го убеди нивниот српски колега, Александар Вучиќ да ја признае независноста на Република Косово, јави дописникот на МИА од Приштина.
– Јас верувам дека турскиот претеседател, Ердоган може да има мошне значајна улога во убедувањето на Вучиќ дека единствениот пат за обезбедување долгорочна стабилност во Западен Балкан е признавањето на косовската независност од страна на Србија, рече Османи.
Напоменувајќи дека дијалогот меѓу Косово и Србија сепак се одвива со посредство на Европската унија, косовската претседателка нагласи дека Србија не почитува низа од договорите кои ги потпишала.
– Ердоган може да ги убеди да ги одржат ветувањата, изјави Османи.