Партијата на Борисов го кани Зеленски да се обрати на конституирањето на бугарското Собрание

Откако стана јасно дека руската амбасадорка Елеонора Митрофанова нема да биде поканета на свеченото отворање на новото 48-мо Народно собрание на Бугарија, ГЕРБ-СДС предложи партиите да го поканат претседателот на Украина, Володимир Зеленски да има видео-обраќање во живо до народните избраници за време на првата седница на парламентот, соопшти прес-центарот на партијата.

ГЕРБ-СДС веќе достави писмо до главниот секретар на Парламентот, Габриела Килфанова, до Секретаријатот на Националното собрание, во кое бара на 14 октомври во 13:00 часот да се свика работна средба меѓу сите пратенички групи на која ќе се разговара за можностите за постигнување договор по предлогот и техничките детали на организацијата.

Интересен е податокот дека во март „Демократска Бугарија“ достави до парламентот предлог за обраќање на претседателот на Украина, но тогашниот предлог не беше одобрен и Зеленски не се обрати во бугарскиот Парламент