Почина малиот Илче кој беше напуштен од двајцата родители

Основното јавно обвинителство Кавадарци во координација со увидна екипа од Министерството за внатрешни работи, извршија увид во семејна единица во село Корешница, Демир Капија, каде синоќа почина 11-годишно дете, штитеник на Специјалниот завод Демир Капија.
Починатото момче било згрижено во семеен дом пред еден месец, откако претходно било пронајдено како целосно запуштено живее само во исклучително лоши услови во Охрид.
Тој имаше ретка дијагноза, меѓутоа со медицинска грижа од тим од Детската клиника неговата здравствена состојба се подобри значително и беше пренесен во мал групен дом во селото Корешница. Меѓутоа, од засега непознати причини кои ги испитуваат истражните органи, Илче починал.
Јавниот обвинител издаде наредба за обдукција на телото на починатото дете, во насока на откривање на причините за настанатата смрт.






