Полицаец се запали среде хаосот во Тирана – драматични сцени на улиците
Драматични сцени синоќа во главниот град на Албанија, каде што насилните протести ескалираа во жестоки судири меѓу демонстрантите и полицијата. Во еден од најопасните инциденти, полицаец од специјалната единица „Шќипоња“ бил зафатен од пламен по фрлањето молотови коктели.
Засега нема дополнителни информации за здравствената состојба на полицаецот кој бил зафатен од пламен.
Како што објавува „Ора њуз“, демонстрантите фрлале запаливи средства меѓу полициските службеници, при што еден од нив се запалил. За среќа, огнот бил брзо изгаснат, со што била спречена потенцијална трагедија.
На булеварот во близина на Пирамидата во Тирана се воделе жестоки судири. Демонстрантите фрлале камења и молотови коктели, а полицијата во одредени моменти била принудена да се повлече кон зградата на Владата.
