Полска соопшти дека е малку веројатна саботажа на рускиот нафтовод

Полскиот оператор на нафтоводот Дружба, кој испорачува руска сурова нафта во Европа, соопшти дека сè уште нема знаци дека истекувањето било предизвикано од саботажа.

„Врз основа на првите наоди и начинот на кој гасоводот е деформиран, се чини дека во овој момент нема знаци за какво било мешање од трета страна“, се вели во соопштението на Перн.

Сепак, во тек е подетална анализа за да се утврди причината за штетата и да се санира гасоводот за да може нафтата да продолжи да тече на делницата со полн капацитет.

Истекувањето, кое беше откриено на доцна во вторникот, е на околу 70 километри од централниот полски град Плоцк. На местото се испратени техничари, противпожарна бригада, екипи за чистење на животната средина и истражители.

Перн во синоќешното соопштение наведе дека „поголемиот дел од контаминацијата од областа“ е отстранета, но не кажа колку сурова нафта се излеала ниту колкава била дупката.

Нафтоводот Дружба, е една од најголемите мрежи за нафтоводи за сурова нафта во светот. Засегнатиот дел испорачува руска нафта во Германија.

Германската влада вчера соопшти дека испораките на нафта за земјата се сигурни и покрај тоа што истекувањето го намали протокот.