Полски пратеници се појавија на настан покрај претседателот Дуда додека полицијата ги бараше

Полскиот претседател Анджеј Дуда се појави денеска со двајца пратеници кои полицијата ги бара да бидат затворени во услови на судир меѓу владата и шефот на државата околу нивниот статус.

Фотографиите објавени на социјалната мрежа „Икс“ од кабинетот на претседателот Дуда се нов облик на конфронтација, кој се наметнува како следен од многуте конфликти во заедничкото управување на владата и претседателот, кои се од различни политички табори.

Во 2015 година, неколку недели по доаѓањето на власт на националистичката партија „Право и правда“, нејзиниот сојузник Дуда го помилува Мариуш Камински и му дозволи да стане министер за внатрешни работи. Адвокати прашуваа дали Дуда има овластување да ги помилува неговите прекршувања пред судот да донесе конечна одлука.

Врховниот суд минатата година соопшти дека случајот ќе биде повторно отворен. Камински и неговиот заменик Мациеј Воншик во декември беа осудени на две години затвор за злоупотреба на службената положба. Медиумите објавија дека полицијата денеска трага по нејзините поранешни началници за да ги стави во затвор.

Според објавата на канцеларијата на Дуда, претседателот им рекол на двајцата нови советници за време на церемонија за нивното именување дека најдобар доказ за нивниот патриотизам е фактот што во последните години соработувале со министрите Мариуш Камински и Мациеј Воншик.

Според многу адвокати, како и според претседателот на полскиот Сејм (Долниот дом на парламентот) Шимон Холовња, обвинението поднесено во декември значи дека Камински и Воншик ги загубиле пратеничките мандати. И двајцата тоа го негираа и планираат да присуствуваат на следната собраниска седница.

Дуда вчера се сретна со Холовња за да се обиде да го убеди дека помилувањето што го најави претседателот е легално и судот нема право да покрене второ обвинение за истиот случај, но двете страни не постигнаа договор.