Продавници на Армани и Диор во Италија под истрага за наводна експлоатација на вработени во нивниот ланец

Италијанската управа за конкуренција (AGCM) денеска соопшти дека започнала истрага против луксузните модни групи Армани и Диор поради наводната експлоатација на работници во нивниот синџир на снабдување.

Обвинители во Милано наредија неколку фирми во кинеска сопственост, со седиште во Италија и кои произведуваат луксузни стоки за Диор и Армани, да бидат ставени под вонредна управа.

Тие се обвинети за систематска злоупотреба на нивните вработени.

Во соопштението, AGCM нагласи дека нејзината истрага се фокусирала на некои компании на Групацијата Армани и некои компании на групацијата Диор контролирана од LVMH, додавајќи дека дејствувала како одговор на дејствијата на обвинителите во Милано. „

Компаниите (Армани и Диор) можеби поднеле невистинити тврдења за етичка и општествена одговорност, особено во однос на работните услови и усогласеноста со законитоста кај нивните добавувачи“, соопшти антимонополската агенција.

пТие се ставени под истрага „за можно незаконско однесување при промоција и продажба на артикли и додатоци за облека, што го прекршува (италијанскиот) Кодекс на потрошувачи“.