Шефот на Генералштабот на САД изјави дека руските напади врз цивилната инфраструктура се воено злосторство

epa10238926 Chief of Staff of the US Army General Mark A. Milley attends a press conference at the end of the Meeting of the Ukraine Defense Contact Group as part of a NATO Council of Defense Ministers at the Alliance headquarters in Brussels, Belgium, 12 October 2022. Meetings of the North Atlantic Council (NAC) at the level of Defense Ministers are held at the NATO Headquarters on 12 and 13 October 2022. EPA-EFE/STEPHANIE LECOCQ
Началникот на Генералштабот на САД генерал Марк Мили, по денешниот состанок во Брисел на Контакт групата за одбрана на Украина, оцени дека руските напади врз цивили и цивилна инфраструктура во таа земја претставуваат „воено злосторство, јави Си-Ен-Ен.

На прес-конференција , Марк Мили истакна дека „Русија намерно ја таргетирала цивилната инфраструктура со цел да им наштети на цивилите”. – Неселективните и намерни напади врз цивилни цели се воено злосторство според меѓународните правила за војување, потенцираше генералот.

Американскиот секретар за одбрана Лојд Остин, кој исто така учествуваше на оваа средба, рече дека неодамнешните напади од Русија „ја откриваат злонамерноста на војната на Путин што ја започна”.

Остин, кој претседаваше со Контакт групата за одбрана на Украина, рече дека „решителноста” на сојузниците и партнерите да и помогнат на земјата само зајакнала по големиот руски ракетен напад во понеделникот.

На конференцијата, на која присуствуваа претставници на повеќе од 50 земји, се разговараше за тоа како да се продолжи со поддршката на Украина, која се бори против руската инвазија.

Остин рече дека САД и сојузниците „ќе продолжат” да испраќаат воена помош на Украина, како што е високоподвижниот артилериски ракетен систем, познат како ХИМАРС, кој и помогна на земјата во нејзината контраофанзива против Русија, пренесува Си-Ен-Ен.

Војната во Украина почна на 24 февруари.

Можеби ќе ве интересира
Close
Back to top button
Close