Шведска донира над 2 милиони долари за спас на Радио Слободна Европа

Шведска денес објави дека ќе донира 20 милиони шведски круни (2,1 милиони долари) на Радио Слободна Европа/Радио Либерти, по наредбата издадена од администрацијата на американскиот претседател Доналд Трамп за замрзнување на федералните грантови за медиумската куќа.

Радио Слободна Европа/Радио Либерти беше создадено за време на Студената војна и беше наменето за луѓето што живеат во комунистичките земји. Радио Слободна Европа, со седиште во Прага, емитува програма во земјите од Источна Европа, вклучувајќи ги Русија и Украина.

„Оваа одлука е дел од нашата тековна работа за поддршка на новинарите и независните медиуми“, се вели во соопштението на шведската влада.

„Откако САД ја повлекоа својата поддршка за Радио Слободна Европа, луѓето во многу земји ризикуваат да го изгубат пристапот до независните медиуми“, се вели во соопштението.

Претседателот Трамп во март нареди запирање на финансирањето како дел од сеопфатните напори за ограничување на американската влада, што би можело да уништи редок извор на сигурни вести во авторитарните земји.

Судија на окружниот суд на САД привремено ја запре наредбата за запирање на грантовите, но федералниот апелационен суд овој месец ја блокираше пресудата