Таравари: Aко не постигнеме договор за советници на локалните ќе трчаме сами
„Од следната недела ќе организираме состанок со ограноците со нашата партија за да ја чуеме нивната порака, што мисли избирачот, не само членот, затоа што од членовите добиваме рефлексија тука, но ни е важно и мислењето на избирачите, затоа што без разлика како ќе одлучиме, каква и да е поделбата што ќе ја направиме, на крајот гласачот треба да ја оцени, да ја почитува и да биде мотивиран да излезе и да гласа за таа опција која ќе ја избере АА,“ изјави Арбен Таравари, Претседател на АА.
На седницата се разгледала понудата на партнерите од ВЛЕН, кои му понудиле на Таравари 35% од општините.
„Тие ни ја дадоа оваа понуда преку пратениците, не знаеме како тие ја поделиле меѓу себе, ќе видиме како е поделбата, што ќе добие Беса, ЛД, Алтернатива, ова е многу важно за нас, исто така и ние ќе имаме наши две понуди, сметам дека преговорите мора да продолжат и да дадеме максимум до крај ако можеме да постигнеме заеднички договор за излез на избори како ВЛЕН. Понудите ги подготвува специјалната група што ќе ја назначи раководниот совет на партијата, ќе имаме две опции, за ВЛЕН двe можни опции ако не постигнеме договор, АA ќе излезе сам на листата на советници како втора опција, додека за градоначалниците ќе видиме каде имаме интерес со ВЛЕН, каде имаме друга партија, каде ќе бараме можеби поддршка од некој друг, но за листите на советници ако не излеземе заедно со ВЛЕН, тогаш листите ќе бидат наши,“ изјави Арбен Таравари.
Откако Таравари ги симна преговорите од лидерско ниво на ниво на пратеници, синоќа по состаноците и обединувањето на ставовите со самите лидери, Мехити, Касами, Ибрахими и Ќоку како независен пратеник во ВЛЕН му ја дадоа последната понуда на Таравари. Според Ќоку, лидерите на ВЛЕН понудиле 35% од општините за учество на локалните избори, при што прецизирале дека над оваа понуда нема повеќе преговори. Овој последен обид, според Ќоку, бил за да се зачува единството во рамките на ВЛЕН.
Предлогот е трите партии, ЛД, Беса, Алтернатива да имаат по три сигурни општини за кандидатури и четвртата потенцијално, додека Алијансата за Албанците на Таравари да има 4 сигурни и петата потенцијално, како и да ја привилегира АШ со две урбани општини, кои реално се освојуваат. Во процент, ова ја достигнува квотата од 35% од општините. Препорачаните општини за Алијансата за Албанците на Таравари се:
• Гостивар,
• Струга,
• Врапчиште,
• Една од општините Ликово/Харачино/Студеничан, и
• Една од општините Бервеница/Чашка.
Истовремено, трите партии на ВЛЕН се согласија дека каде што е кандидат на една партија, таа да има и 40% од листата, додека остатокот од локалната власт да се распределува така што и другите партии да бидат вклучени (со претседавач на Советот на Општина, секретар на општина, директори на претпријатија итн.). Со прифаќањето на овој предлог, од следната недела може да започне со формирање на заеднички штаби на ВЛЕН, можност која во иднина би резултирала и за кохезијата на коалицијата и стопувањето во една заедничка партија.
Понудата од трите партии на ВЛЕН за Таравари, 35% од општините:
• Гостивар,
• Струга,
• Врапчиште,
• Една од општините Ликово/Харачино/Студеничан, и
• Една од општините Бервеница/Чашка.
Понудата од трите партии на ВЛЕН за Таравари, 40% од листата:
Каде што е кандидат на една партија, таа да има и 40% од листата, додека остатокот им припаѓа на другите партии, со претседавач на Советот на Општина, секретар на општина, директори на претпријатија итн.
Меѓутоа, на денешниот Собир на АШС, Таравари го промовираше Исен Шабан како ново пристигнување во партијата, нагласувајќи дека АШС веќе управува со две општини, Гостивар и Врапчиште. /alsat.mk
