Тинејџер падна од мотор, со тешки повреди на глава

Тешка сообраќајна несреќа се случи денеска во близина на новоизградените згради „Атлантис“ во Велес, каде четиринаесетгодишно момче паднало од мотор и се здобило со сериозни повреди.

Екипата на Итната медицинска помош веднаш интервенирала на местото на несреќата и му укажала прва помош, по што повредениот бил пренесен во Општата болница во Велес.

Портпаролката на болницата, Билјана Босилкова, информираше дека на момчето му биле дијагностицирани тешки повреди на главата. Неговата здравствена состојба е стабилна, но поради сериозноста на повредите, итно е транспортирано на Клиниката за неврохирургија во Скопје.

Причините за несреќата сè уште се утврдуваат.