Уругвајскиот фудбалер Матијас Акуна пронајден мртов во хотелска соба

Уругвајскиот фудбалер Матијас Акуна (32) е пронајден мртов во хотелска соба во еквадорскиот град Амбато каде се подготвувал неговиот тим.

Еквадорските и уругвајските медиуми јавуваат дека Акуна наводно извршил самоубиство со бесење во хотелска соба. Персоналот на хотелот го забележал и повикал брза помош. За жал, немаше начин да се спаси.

Поранешната партнерка кон крајот на минатата година го пријавила за насилство, поради што добил електронска нараквица на глуждот. Уругвајскиот напаѓач ги отфрли сите обвинувања.

„Никогаш не сум малтретирал никого, па имам две ќерки. Смирен сум, опкружен со моите луѓе, кои ме познаваат и знаат што сум. Судијата ми објасни како ми ја дале нараквицата како мерка на претпазливост, а не затоа што сум виновен. Другата страна не можеше да прифати дека повеќе не сакам да бидам со неа, таа лаже. Ова ме прави тажен, бидејќи има жени кои навистина страдаат од родово базирано насилство“, рече тој во интервју за новинарите само неколку часа пред неговата смрт.

Во текот на кариерата, Уругваецот мина и две сезони во Грција, од јануари 2021 до февруари 2022 година настапуваше за АЕЛ Лариса, додека летото 2023 година потпиша за Ламија. Во текот на кариерата играше и за Ливерпул Монтевидео, Монтевидео Вондерерс, Рентистас…