Вашингтон „против“ Турција да стане гасен центар на Европа
Американскиот Стејт департмент е против создавање гасен центар, најавен од турскиот претседател Реџеп Таип Ердоган дека ќе биде изграден во соработка со Русија.
– Конкретно во случајот со Турција, ние тесно соработуваме со неа за да ги поддржиме нашите сопствени напори за зајакнување на долгорочната енергетска безбедност, истакна Пател.
Тој се осврна и на санкциите против Русија.
– Им објаснивме на Турција и на сите наши сојузници и партнери оти никој не треба да стане безбедно засолниште за нелегални руски средства и трансакции, подвлече Пател.
Заменичката на министерката за финансии на САД, Елизабет Розенберг оваа недела беше во тридневна посета на Турција. Според соопштеното, нејзините средби „ја потврдиле важноста на блиската соработка меѓу САД и Турција во справување со опасностите предизвикани од заобиколувањето на санкциите и други незаконски економски дејствија“.
