Ватикан: Здравствената состојба на папата Франциск е стабилна

Папата Франциск, кој е хоспитализиран поради пневмонија, денеска е во стабилна состојба и немаше нови респираторни кризи, пренесоа агенцииите, повикувајќи се на соопштение на Ватикан.

Осумдесет и осумгодишниот папа на 14 февруари беше примен во римската болница „Агостино Џемели“ со тешки респираторни проблеми кои брзо прераснаа во пневмонија на двете белодробни крила, што му го отежна дишењето. Ова е негово најдолго отсуство од почетокот на мандатот во март 2013 година.