Видео: А1он:Проверка на личната карта на име Даниела Арсовска во МВР на Бугарија: Валиден документ

Документот односно личната карта издадена од Бугарија на име Даниела Арсовска, а која ја покажа СДСМ, создаде поделеност во јавноста-дали се работи за фалсификат или не.

Овој документ е лесно проверлив на страницата на Министерството за внатрешни работи на Бугарија односно во делот на проверка на валидноста на личната карта според впишаниот број и датумот на раѓање. При проверката и внесувањето на податоците на личната карта на име Даниела Арсовска, која ја прикажа СДСМ, на страницата на Министерството за внатрешни работи на Бугарија се покажува дека документот е валиден и постои, односно дека таа лична карта е издадена на лице со тоа име и презиме.

Арсовска денеска повторно ги отфрли тврдењата дека има бугарски пасош но и државјанство, но тоа беше пред да се појават тврдења на СДСМ дека поседува и личната карта на Бугарија. Во неа е впишано името Даниела Арсовска, односно не пише Данела Арсовска. Кандидатката за градоначалник вели дека никогаш не била Даниела, односно секогаш се викала Данела, а за фотографијата од алманахот каде е потпишана како Даниела вика дека и го погрешиле името. Како се нашла нејзината фотографија на документот односно на личната карта издадена во Петрич засега е нејасно и веројатно ќе се утврди по тужбата која ја најави за обвинувањата од СДСМ

Back to top button
Close