(Видео) Андоновиќ: Втор круг претседателски избори во Франција – Макрон во блага предност, но недоволна за сигурен реизбор

Францускиот претседател Емануел Макрон, кој очекува да биде реизбран за уште еден петгодишен мандат во недела, во синоќешната дебата остро ја нападна својата екстремно десничарска противкандидатка Марин Ле Пен поради нејзините врски со Русија, сомневањата за Европската Унија и нејзиното неразбирање на бројките.

 

 

Во нивната единствена телевизиска дебата пред гласачите да го кажат своето мислење во вториот круг гласање во недела, Макрон се обиде да ја прикаже Ле Пен како суштински недоверлива, обвинувајќи ја за нечесност при давање предизборни ветувања. Ле Пен, која лесно беше поразена од Макрон на последните претседателски избори пред пет години, овојпат стои подобро во анкетите, иако се уште заостанува зад Макрон.

 

 

Францускиот лидер жестоко ја критикуваше партијата на Ле Пен поради заемот од руско-чешката банка во 2014 година. Тој рече дека долгот значи дека, доколку Ле Пен биде избрана за претседател, ќе ѝ бидат врзани рацете кога ќе се занимава со Кремљ.

„Кога зборувате за Русија, му се обраќате на вашиот банкар – тоа е проблемот. Донесовте одлука (за тој заем) со која, очигледно, ја ограничивте вашата политичка позиција и не ве прави независни. Тоа е факт“, рече Макрон.

Испровоцирана од обвинувањата на Макрон дека е должник на Русија, Ле Пен се опиша себеси како „целосно слободна“. Таа рече дека нејзината партија го враќа заемот и го нарече Макрон „некоректен и нечесен “ бидејќи тој го покренува ова прашање и врз него сака да профитира во освојување гласови .

Макрон, проевропски центрист, беше лидер по првиот круг на гласање на 10 април, а води и според подоцна спроведените анкети на јавното мислење.

Но, Ле Пен, националистка и противник на имиграцијата, која ги освои симпатииите на Французите поради растечкиот гнев предизвикан поради инфлацијата, значително го намали јазот во јавната поддршка во споредба со 2017 година, кога изгуби 34 отсто од гласовите на Макрон.

Се смета дека една од причините за тогашниот пораз на Ле Пен била дебатата кога таа според комуниколозите, катастрофално дебатираше во однос на Макрон. Слична дебата во 2017 година и зададе решавачки удар на нејзината кампања.

Поучени од важноста на оваа дебата во пресрет на изборите, двајцата кандидати внимателно се подготвија за ТВ дебатата. Но, Ле Пен имаше лош почеток: бидејќи беше избрана да зборува прва, таа започна пред музичкиот шпица да ја започне дебатата. Молчеше поради музиката, таа мораше да престане, а потоа се извини и повторно почна да зборува.

Кога започна дебатата, Макрон брзо и искусно ја натера Ле Пен да се брани. Тој се фокусираше на она за што таа гласаше за време на нејзиниот пратенички мандат и го доведе во прашање нејзиното разбирање за економските бројки.

И двајцата кандидати треба да ја прошират својата база за поддршка на гласачите пред гласањето во недела, а многу Французи, особено од левицата, велат дека се уште не знаат дали воопшто ќе излезат на гласање.