(Видео) Гостиварец во ранец носел 5 килограми хероин. Го уапсиле во Скопје

Полицијата во Скопје заплени околу пет килограми хероин, чија вредност е проценета на околу 200.000 евра.

Како што информира МВР, службеници од Одделот за криминалистичка полиција – Сектор за недозволена трговија со дрога, оружје и опасни материи на улица „Босна и Херцеговина” во Скопје го привеле А.О. (37) од Гостивар, кај кого се пронајдени околу пет килограми хероин во вредност од околу 200.000 евра, кои ги носел во ранец.

– При преглед на ранецот пронајден е хероинот, кој бил спакуван во девет пакувања. Пронајденото е одземено, А.О. е лишен од слобода и во текот на денот до надлежното ОЈО Скопје ќе биде поднесена соодветна кривична пријава за извршено кривично дело по член 215, се додава во соопштението.

Министерството за внатрешни работи потенцира дека продолжува со континуираната борба против недозволената трговија со дрога „за што сведочат и постојаните заплени на дрога и приведување на лицата што ги вршат овие кривични дела”.