(Видео) Петрушевски: На Клиниката за детски болести за 2022 година, има сомнеж за криминал од над 200 илјади евра

11.11.2024 13:19
239 Читање помалку од 1м
СДС и ДУИ на здравството гледале како на поле за испумпување на пари. Од Извештајот на ДЗР за работата на Клиниката за детски болести за 2022 година, има сомнеж за криминал од над 200 илјади евра, изјави пратеникот од ВМРО-ДПМНЕ, Бране Петрушевски.

„Имено според Извештајот на ДЗР на 01.01.2022 година, вредноста на материјалните средства, од материјалната евиденција на Клиниката е за 13.9 милиони денари помала од вредноста искажана во сметководствената евиденција, додека на крајот на годината бил помал за 12 милиони денари.

Зошто се јавува толку голема разлика во материјалната во споредба со сметководствената евиденција? Дали и каде завршиле над 200 илјади евра?

Ова е само од една здравствена установа за една година. Што правеле СДС и ДУИ во останатите здравствени установи во текот на целото владеење?

ЈО да не чека и врз основа на Извештајот на ДЗР да отвори постапка. Одговорност мора да има“ рече Петрушевски

Back to top button
Close