(ВИДЕО) Погодена рафинерија во Русија, избувнал голем пожар
Синоќа била нападната нафтена рафинерија во Новошахтинск, град во Ростовската област. Се слушнале експлозии и избувнал пожар, информирал гувернерот.
Ukrainian drones have destroyed a Russian oil refinery in Rostov-on-Don tonight. Rostov is a HQ of Russian troops operating in Ukraine, and a huge military hub. pic.twitter.com/NYAaUw6XWC
— Sergej Sumlenny, LL.M (@sumlenny) June 6, 2024
„Како резултат на нападот со беспилотно летало, избувна пожар во рафинеријата за нафта во Новошахтинск. Службите за итни случаи пристигнаа на местото на настанот. Гасењето на пожарот мораше да биде прекинато поради новиот напад. На персоналот му беше кажано да се повлече на безбедно растојание“напиша гувернерот Васил Голубев на својот канал на Телеграм.
Кога поминала опасноста од нови напади, пожарникарите почнале да го гаснат пожарот, а користено било и противпожарно возило.
„Пожарот зафатил површина од 100 квадратни метри. Според првичните информации, нема загинати и повредени. Се проверуваат податоците“изјави Голубев.
Низ социјалните мрежи се проширија снимки на кои се гледа голем пожар во споменатата рафинерија. Инаку, истата рафинерија беше нападната и во март годинава, а потоа одговорноста за нападот ја презеде Главната разузнавачка управа на Министерството за одбрана на Украина.
Русите пријавиле и напад на складиште за нафта во регионот на Белгород.
„Вооружените сили на Украина употребија беспилотно летало за напад врз складиште за нафта во Стари Оскол. Како резултат на тоа, се запали тенк. Четири противпожарни бригади брзо го изгаснаа. Ударниот бран ги скрши прозорците на блиската стражарска станица. Немаше извештаи за жртви“,соопшти гувернерот Вјачеслав Гладков.
