(ВИДЕО) Спасувачка акција на Треска: Три момчиња останале заробени на островче поради надојдената вода
Пријавата, како што додаваат од ЦУК, стигнала во 19:12 часот, по што веднаш биле информирани во Полициската станица Сарај и од нив било побарано да се упатат на местото каде се заробени трите момчиња и доколку има можност да помогнат за нивно безбедно извлекување.
„Заради наглото покачување на реката Треска трите момчиња останале заробени на специфичен повисок песочно-чакален дел на средина на реката, на своевидно островче и немале можност да преминат на безбеден брег, бидејќи биле опкружени од двете страни со силна и брза вода“, велат од ЦУК.
Како што додаваат, поради големото количество надојдена вода, неуспешен бил обидот момчињата да се спасат со чамец. Од Центарот за управување со кризи било побарано од диспечерите во хидроцентралите „Козјак“ и „Матка“ веднаш да го намалат истекот на вода за да се овозможи извлекување и спасување на момчињата.
Откако истекувањето на водата од двете брани било сопрено, околу 23 часот, специјалните тимови на МВР и жителите од селото Грчец, успеале со чамец момчињата безбедно да ги префрлат од другата страна на реката, кон селото Грчец.
По спасувањето на момчињата, ЦУК ги известиле диспечерите во хидроелектраните „Козјак“ и „Матка“ дека може непречено да се продолжи со испуштање на вода за производство на електрична енергија