(Видео) Страшен инцидент во луна парк во Лондон- луѓето висат со главите надолу на големо тркало

Познатиот „Airborne“ кој ги крева посетителите на височина од 65 метри, а потоа со голема брзина ги превртува наопаку, наеднаш запре. Луѓето беа „заглавени“ на висина од десетици метри!

Неименуваниот сведок изјави дека исплашените луѓе виселе наопаку 35 минути, додека организаторите тврдат дека проблемот бил решен многу побрзо.

Можеме да потврдиме дека возењето запре бидејќи снемало струја. Сè траеше осум минути, а проблемот го решија операторите и службата за корисници. Посетителите беа безбедно спуштени“, се наведува.

Организаторите додаваат дека сите возења минуваат низ ригорозни и редовни безбедносни проверки од искусен персонал, пренесува The Sun.

Инцидентот предизвикал голем број коментари на мрежите, а едно лице напиша дека е „потресена од ужасните сцени“ и дека „ќе ја откаже посетата на Луна паркот“.