ВИДЕО: Вработен во банка во Луисвил убил петмина свои колеги, а нападот го пренесувал во живо на Инстаграм
Конор Старџен (25), вработен во банка во градот Луисвил, во американската сојузна држава Кентаки, уби петмина свои колеги, меѓу кои и близок пријател на гувернерот на Кентаки, Енди Бешеар.

Американските медуими пренесуваат дека нападот го пренесувал во живо на Инстаграм.
JUST IN: Journalist Nick Sortor ASSAULTED outside the Old National Bank Building in Louisville, Kentucky while filming damage from todays shooting..
— Chuck Callesto (@ChuckCallesto) April 11, 2023
Полицијата пристигнала на местото на злосторството додека се уште се слушале истрели во зградата на банката и во размената на оган го елиминирала напаѓачот.
Во престрелката се ранети девет лица, меѓу кои и двајца полицајци, кои се пренесени во болница.
Подоцна ранета жена почина во болница, а еден од ранетите полицајци, 25-годишен маж, е во критична состојба, соопшти болницата во Луисвил.
Мотивот на напаѓачот засега не е познат.
Мета, компанијата сопственик на Инстаграм, соопшти дека веднаш го отстранила видеото од убиството во Луисвил.






