Вознемиреност во Задар: закани за бомби низ Хрватска продолжуваат

Полицијата во Задар денеска примила дојава за поставени експлозивни направи во повеќе училишта, која по извршените проверки се покажала како лажна, додека истрагата за случајот е во тек.

Според информациите, заканувачката порака пристигнала утрово, нешто по 7 часот, преку електронска пошта до Полициската управа во Задар, како и до други адреси на подрачјето. Веднаш биле ангажирани полициски службеници кои, во координација со одговорните лица во образовните установи, извршиле превентивни прегледи на објектите.

По деталните проверки било утврдено дека станува збор за лажна дојава, бидејќи не биле пронајдени експлозивни средства.

Сличен инцидент бил регистриран и претходниот ден, кога заканувачка порака за поставени бомби била испратена за два трговски центри во градот. И во тој случај, по ангажирање на поголем број полициски сили и извршените контроли, било потврдено дека дојавата е неоснована.

Надлежните служби продолжуваат со истрагата поради сомнение за сторено кривично дело поврзано со ширење лажни закани