Вучевиќ за вооружувањето на Приштина: Логично е да сме разочарани, но не сме изненадени

Министерот за одбрана на Србија, Милош Вучевиќ вели дека од српска страна не е изненадување што Приштина купува американски ракети, туку дека има незадоволство.

– САД се долгогодишен сојузник на Приштина, така што оваа акција не не изненадува, но логично е да сме разочарани и отворено да го искажеме нашето незадоволство. Сепак, не можеме да ја промениме американската политика. Наше е да ги зајакнеме нашите одбранбени капацитети и тоа секако ќе го направиме во наредниот период, како што тоа го правиме со години. Ќе имаме соодветен одговор – рече министерот Вучевиќ.

Да потсетиме, американскиот Стејт департмент одобри потенцијална продажба на 246 ракети Javelin на Приштина за проценета вредност од 75 милиони долари, соопшти Пентагон.

Можеби ќе ве интересира
Close
Back to top button
Close