(ВИДЕО) А1он: Со канта бензин пали познат скопски ресторан во сред полициски час
Во сред полициски час, околу 3.15 часот утринава, засега непознато лице со канта бензин го пали познатиот „Опера паб“, што се наоѓа кај Националниот опера и балет, пренесе порталот а1он и објави видео.
На снимките од камерите од ресторанот јасно се гледа човек со качулка на главата како доаѓа од центарот на Скопје со канта бензин во раката. Тој ја полева со бензин терасата од надворешната страна на ресторанот, го пали и бега.
Огнот има направено голема штета и испукани се сите стакла од објектот. Дошле противпожарните екипи и лицата од обезбедувањето на локалот, но во меѓувреме пожарот сам се изгаснал.
Сопственикот на локалот вели дека не е задоволен од односот на полициските служби и дека се уште не е извршен увид. Во еден момент му било и кажано дека е подобро самиот да си поднесе тужба против непознат сторител, наместо да биде поднесена пријава за „предизвикување општа опасност“. Тој се уште чека на лице место за да види каков ќе биде епилогот.
…
