Египет, Авганистан и Судан предничат по бројот на мигранти во Македонија


Авганистанците, Египќаните и Суданците се трите најзастапени националности меѓу мигрантите регистрирани во Македонија во септември.

Најголем дел од регистрираните пристигнувања биле на лица од Авганистан, кои сочинуваат 37 проценти од евидентираните мигранти, покажува месечниот извештај на Меѓународната организација за миграции (IOM).

Според податоците за септември 2026 година, во Македонија биле регистрирани 638 пристигнувања на мигранти. Од нив, 37 проценти биле од Авганистан, 24 проценти од Египет, а 12 проценти од Судан.

Податоците се однесуваат на регистрирани пристигнувања и не претставуваат бројка на сите мигранти кои се наоѓале или транзитирале низ земјата.

Во споредба со август, бројот на регистрирани пристигнувања во Македонија се намалил за шест проценти. Сепак, Авганистанците остануваат најголемата група меѓу евидентираните мигранти, додека Египќаните се на второ, а Суданците на трето место.

– Advertisements –

На регионално ниво, во Западен Балкан во септември биле регистрирани 3.843 пристигнувања, што е зголемување од осум проценти во однос на август. Од почетокот на 2026 година, во регионот биле регистрирани вкупно 26.973 пристигнувања, односно 10 проценти повеќе во споредба со истиот период минатата година.

Миграциските движења низ Западен Балкан се дел од пошироките маршрути кон европските земји, при што Македонија останува една од транзитните земји на патот кон север и запад на континентот.

Back to top button
Close