Границите на Австралија остануваат затворени
Границите на Австралија најверојатно ќе останат затворени „некое време“, изјави денеска премиерот Скот Морисон, и покрај напредокот во воведувањето вакцини против Ковид-19.
Велика Британија вчера одобри употреба на вакцината на Фајзер, зголемувајќи ги надежите за брза вакцинација против Ковид-19 низ целиот свет.
Сепак, Морисон рече дека Австралија ќе ги задржи своите граници затворени за не-австралиските граѓани и оние кои немаат постојан престој.
– Што се однесува до меѓународните граници, ние сме сè уште малку далеку од тоа, изјави Морисон во Канбера.
