Утре од Србија пристигнува втората пратка од вакцините од Фајзер

Министерот за здравство д-р Венко Филипче, утре (среда, 24.02.2021 година) на граничниот премин Табановце ќе ја пречека делегацијата предводена од министерот за здравство на Република Србија Златибор Лончар кој ќе ја предаде втората пратка од осумте илјади вакцини од компанијата Фајзер, известија од министерството.
Како што соопштуваат од таму, настанот ќе се одржи на меѓуграничниот премин на македонската и српската граница, каде се предвидени изјави за медиумите.






