Шпанскиот суд бара 8 години затвор за Шакира поради затајување данок

Канцеларијата на државниот обвинител во Барселона, во североисточна Шпанија, во петокот соопшти дека ќе бара повеќе од осум години затвор за затајување данок за колумбиската ѕвезда Шакира, која ja отфрли спогодбата за признавање вина и најави дека е подготвена за правна битка.

Во обвинението до кое дојде АФП од канцеларијата посочуваат дека ќе бараат и речиси 24 милиони евра од пејачката, која е обвинета дека од 2012 до 2014 година ги измамила шпанските даночни власти и не платила данок во висина од 14,5 милиони евра.

Адвокатите на Шакира тврдат дека пејачката во тој период не живеела во Шпанија.

Судот сега треба да одлучи дали и кога ќе поднесе обвинителен акт.