Борел повторно ги повика Вучиќ и Курти на итна средба во Брисел
Високиот претставник на Европската унија (ЕУ) Жосеп Борел соопшти дека ги повикал српскиот претседател, Александар Вучиќ и косовскиот премиер, Албин Курти, на итна средба во Брисел со цел да се најде излез од актуелната криза, јави Мина.
I have called the leaders of Serbia @predsednikrs & Kosovo @albinkurti to Brussels for urgent meetings to find the way out of the current crisis
We need immediate de-escalation & new elections in the north with participation of Kosovo Serbs. This is paramount for the region & EU
— Josep Borrell Fontelles (@JosepBorrellF) June 22, 2023
Борел на Твитер напиша дека е потребна итна деескалација и нови избори на северот на Косово, со учество на припадниците на српската заедница.
„Ова е најважното нешто за регионот и ЕУ“, напиша Борел.
Вучиќ денеска изјави дека заминува на средба во Брисел, но дека нема да разговара со Курти, туку само со Борел.
Курти претходно потврди дека денеска ќе отпатува за Брисел на средбата свикана од високиот претставник на ЕУ по зголемените тензии на северот на Косово.






