Во среда прв состанок на работната група за пензионерите, главна тема минималната пензија
Министерката за труд и социјална политика Јованка Тренчевска денеска од општина Босилово, изјави дека в среда ќе се одржи првиот конститутивен состанок на работната група задолжена за нови мерки за пензинерите.
На состанокот, покрај новите мерки за подобрување на условите за живот на пензионерите, главна тема ќе биде минималната пензија.
„Во работната група се вклучени претставници од сите релевантни инситуции, во среда на првиот состанок ќе разговараме за се она што е потребно за да се подобри животниот стандард на пензионерите и какви мерки се потребни. Ќе заборуваме и за усогласувањето, а секако главна тема ќе ни биде Законот за минимална пензија и по примерот со минималната плата, со закон да имаме утврдено и минимална пензија“ изјави Тренчевска.
