(ВИДЕО) Луѓето масовно бегаат по најавата за можно цунами во Јапонија и Филипините, се шират снимки од земјотресот
Земјотрес со јачина од 7,6 степени го погоди островот Минданао на Филипините. Тогаш филипинските служби, како и Јапонската метеоролошка агенција, издадоа посебни предупредувања за цунами за крајбрежните градови во регионот.
![](https://libertas.mk/wp-content/uploads/2023/12/screenshot_58-1.png)
Потоа, Геолошкиот институт на САД објави дека опасноста од цунами поминала, но локалните власти не ги повлекле предупредувањата.
Локалното население во некои делови на Филипините беше снимено набрзина и во големи толпи како се повлекуваат на повисоките места.
Филипинската владина агенција ги советуваше жителите на источните провинции Суригао Дел Сур и Давао на источниот брег на Минданао веднаш да се евакуираат на повисоките места или да се преселат во внатрешноста на земјата.
Ројтерс објави дека се издадени наредби за евакуација и за некои области на југозападниот јапонски брег.
Се шират и снимките од првиот земјотрес на Филипините, а по него следеа серија последователни, послаби потреси на тлото.