(ВИДЕО) Напад во трговски центар во Сиднеј, најмалку четворица загинати, стотици евакуирани
Локалните медиуми објавија дека во трговскиот центар се слушаат истрели. Полицијата соопшти дека операцијата е во тек, но не соопшти повеќе детали
Голема полициска операција е во тек по извештаите за избодени повеќе луѓе во трговски центар во близина на плажата Бонди во Сиднеј. Стотици луѓе биле евакуирани од трговскиот центар „Вестфилд бонди џанкшн“ (Westfield Bondi Junction).
#BREAKING: Paramedics have been told to pull out of centre as the Bondi Westifeld is still being considered a live scene.
Specialist units are currently going store-to-store, clearing the shopping centre. #9News
READ MORE: https://t.co/uGK2VEIMaF pic.twitter.com/0IJm3aETwP
— 9News Sydney (@9NewsSyd) April 13, 2024
Ројтерс објави дека напаѓачот бил застрелан.
Според Гардијан, најмалку четири лица загинале, а не е познато дали меѓу убиените е и напаѓачот.
Очевидци изјавиле дека меѓу жртвите на нападот со нож има мајка и бебе. Човекот со кој разговарале новинарите на 9 Њуз Сиднеј тврдел дека муштериите се обиделе да ѝ помогнат на мајката и нејзиното бебе кои биле избодени со нож. Тој додал дека го држел бебето и заедно со други се обиделе да ја компресираат раната. Тој нагласил дека мајката обилно крварела.
Локалните медиуми објавија дека во трговскиот центар се слушаат истрели. Полицијата соопшти дека операцијата е во тек, но не соопшти повеќе детали.
Областа е евакуирана, а на социјалните мрежи има фотографии од амбулантни возила и полиција на местото на настанот. Инцидентот сè уште трае и од луѓето е побарано да ја избегнуваат областа.