Американец фрлил бомба кон Сатански храм во Масачусетс

18.04.2024 09:24

233 Читање помалку од 1м

Американските власти вчера уапсија маж од Оклахома поради фрлање експлозивна направа кон седиштето на Сатанскиот храм во Масачусетс. Чудно именуваната организација со седиште во Салем на својата веб-страница вели дека се залага за секуларизмот и индивидуалните слободи и дека нејзините членови всушност не го обожаваат сатаната.

Шон Патрик Палмер (49) е обвинет дека ја оштетил зградата на храмот со експлозивна направа. Тој денеска треба да се појави пред судот во Оклахома. Доколку биде прогласен за виновен, му се заканува казна затвор до 20 години и парична казна до 250.000 долари, пишува АП.

Надзорните снимки покажуваат како Палмер се приближува до Сатанскиот храм околу 4 часот наутро на 8 април. Го покрил лицето и носел војнички елек. Потоа запалил подметната експлозивна направа, ја фрлил на главниот влез и побегнал. Бомбата делумно се активирала, предизвикувајќи мал пожар