Мицкоски на средба со СОНК: Стандардот на вработените ќе го подобруваме преку заеднички дијалог и мерки кои ќе дадат резултати
Премиерот Христијан Мицкоски, министрите за финансии, за образование и наука и за економија и труд Гордана Димитриеска Кочоска, Весна Јаневска и Бесар Дурмиши денеска остварија средба со раководството на Самостојниот синдикат за образование, наука и култура – СОНК.
На средбата, како што соопшти владината прес-служба, се разговарало за унапредување на работничките права, состојбата во образованието, науката и културата, колективните договори, како и состојбата со платите и тенденцијата тие да растат согласно реалните можности на економијата.
– Стандардот на вработените ќе го подобруваме преку заеднички дијалог и мерки кои ќе дадат резултати. Разговараме за сет одлуки и системски мерки кои ќе бидат одржливи на долг рок. Следуваат добри одлуки, истакнал премиерот Мицкоски.
