Борис Џонсон: Нетанјаху ми постави апарат за прислушување во бањата

Поранешниот британски премиер Борис Џонсон изјави дека е пронајден апарат за слушање во неговата приватна бања во Форин офисот, откако го користел Бенјамин Нетанјаху, пишува „Sky News“.

Во својата нова книга „Unleashed “, поранешниот премиер тврди дека неговиот безбедносен тим пронашол уреди за слушање во тоалетите откако Нетанјаху ги користел објектите за време на посетата во 2017 година, пишува медиумот.

„Тука Биби се средуваше некое време, можеби е случајно или не, но ми беше кажано дека подоцна кога направија рутинска проверка нашле уред за слушање“, напишал Џонсон.