По поплавите во Валенсија, сега на удар е Барселона
Главната зграда на аеродромот во Барселона е потопена, вода истекува од таванот додека патниците ги соблекуваат чевлите и боси одат до капијата. Дождот силно врне и по улиците на градот, а во блискиот Кастелдефелс, на околу еден час возење од Барселона, автомобили „пливаат“.
Ова се сцените кои денеска пристигнуваат од Шпанија, по обилните врнежи и смртоносните поплави што ја погодија Валенсија, при што загинаа најмалку 217 луѓе.
Моќните бури што доведоа до смртоносни поплави во источна Шпанија минатата недела, сега ја погодија Барселона, предизвикувајќи поројни поплави на главниот градски аеродром и околните области.
Метеоролошката служба на Шпанија издаде црвено предупредување за врнежи, предупредувајќи ги луѓето да не патуваат освен ако тоа не е „строго неопходно“ и да останат будни.
„Дејли мејл“ пишува дека мобилните телефони на жителите на Барселона денеска предупредувале за „екстремни и континуирани врнежи од дожд“ на јужната периферија на градот.
https://x.com/FerranDalmau/status/1853374777953575256?ref_src=twsrc%5Etfw%7Ctwcamp%5Etweetembed%7Ctwterm%5E1853374777953575256%7Ctwgr%5E26bef12d54f0144e9530d346fa6f495ba5d2a1da%7Ctwcon%5Es1_c10&ref_url=https%3A%2F%2Ffokus.mk%2Fvideo-po-poplavite-vo-valensija-sega-na-udar-e-barselona%2F
Патиштата беа блокирани од одрони од кал и надојдена вода, а возачите беа снимени како возат низ поплавените улици додека очајнички се обидуваа да се вратат дома на безбедно. На аеродромот, шокантни видео снимки покажуваат како вода навлегува во паркинзите и главната зграда и истекува од таванот, додека патниците се гледаат како ги соблекуваат чевлите и одат боси кон портата.
