Додик успешно опериран – Вучиќ го посети во болница
Додик вчера беше итно хоспитализиран поради акутни болки. Во болницата го посети и српскиот претседател Александар Вучиќ и му посака брзо закрепнување. „Го посетив претседателот Милорад Додик пред утрешната интервенција и му посакав брзо закрепнување и добро здравје. Очекувам продолжување на соработката и нови средби со раководството на Српска. Ни претстои многу заедничка работа“, рече Вучиќ.
Како што јавува репортерот на АТВ од Белград, лекарите рекле дека се работи за посложена операција која ќе трае неколку часа. Наведено е и дека Додик бил добро расположен пред операцијата и се надева на најдобар исход, пренесе Индекс.
