Франција се обидува да ги смири протестите во училиштата, илјадници лица се приведени
Францускиот министер за образование Едуар Гефреј планира да се сретне со средношколци и студенти за да разговара за нивните барања, по неколкудневните, на моменти насилни протести на младите поради состојбата во образовниот систем, додека во бранот немири низ земјата досега се приведени илјадници лица.
Според извештаите, како што пренесува ДПА, протестите денеска продолжиле во повеќе од 500 училишта, при што повторно се регистрирани насилни инциденти. Околу 400 средни училишта денеска требаше да останат затворени и да организираат настава на далечина, соопшти претходно Гефреј, а според медиумските извештаи, на граѓаните им било забрането да протестираат во близина на затворените објекти.
Француските медиуми објавија дека во Белфор, во источниот дел на земјата, бил нападнат полицаец. Министерот за внатрешни работи Лоран Нуњез на платформата Икс сподели видео од телевизијата БФМ ТВ на кое наводно се гледа нападот. Тој соопшти дека полицаецот бил хоспитализиран, но дека неговата состојба повеќе не е причина за сериозна загриженост, додавајќи дека властите отвориле истрага за обид за убиство и трагаат по сторителите.
Ces images d’une rare violence sont insoutenables.
Le policier volontairement ciblé a été hospitalisé après avoir perdu connaissance. Son état n’inspire heureusement plus d’inquiétude majeure à cette heure. Toutes mes pensées l’accompagnent.
Une enquête a été ouverte par le… https://t.co/jRONDcMUIT
— Laurent Nuñez (@NunezLaurent) October 2, 2026
Средношколците со денови протестираат низ Франција, изразувајќи незадоволство поради дотраените училишни згради и недостигот на наставен кадар, а протестите потоа се проширија и на универзитетите.
Демонстрациите во повеќе наврати прераснаа во насилство, при што Министерството за внатрешни работи предупреди на можни „урбани немири“. Полицајци беа напаѓани, а десетици ученици и вработени во училиштата se повредени.
Поради штетите и собирите, министерот за правда Жералд Дарманен предложи родителите да ја платат материјалната штета предизвикана од нивните деца за време на демонстрациите.
