40-годишна стружанка претепала старец, па го ограбила

Жена од струшкото село Октиси е пријавена за разбојничка кражба, откако, според МВР, физички нападнала 81-годишен жител во неговиот дом и му одзела пари.

Од ОВР Струга информираат дека кривична пријава е поднесена против Л.О. (40) поради постоење основи на сомнение за сторено кривично дело „Разбојничка кражба“.

Случајот се случил на 28 август 2026 година, кога пријавената влегла во домот на стариот човек, физички го нападнала и му одзела парична сума.

По преземените мерки и активности, полициските службеници од ОВР Струга ја пронашле Л.О. и ја лишиле од слобода.