Воз удри во автомобил на железничкиот премин кај Зелениково

Воз удри во автомобил попладнево на железничкиот премин кај Зелениково.

Екипа на Итната медицинска помош –  Скопје е на лице место, потврди за МИА, шефот на смена во Брза помош – Скопје, доктор Драган Панов.

Според првичните информации повредено е едно лице.

Министерството за внатрешни работи (МВР) ја потврди собраќајната незгода кај селото Зелениково и додаде дека се случила меѓу патничко возило „тојота“ и воз. Во незгодата, според МВР, нема пријавено повредени лица.

Возилото било управувано од Ж.М.К. (51) од Скопје, а возот од С.М. Случајот во СВР Скопје бил пријавен во 18:10 часот.

Засега нема детали за сообраќајната несреќа и под кои околности дошло до судирот.