Латвија им забранува на граѓаните на Русија и Белорусија да купуваат недвижен имот во земјата

Латвија им забрани на граѓаните на Русија и Белорусија да купуваат недвижен имот во земјата, објави ДПА.

Парламентот во Рига одобри закон кој ќе важи и за правни лица како што се акционерски друштва или регистрирани здруженија со седиште во двете соседни земји.

Владата ја објасни мерката со хибридната војна што Русија ја води против демократските независни држави кои ја поддржуваат Украина.

Стекнувањето недвижен имот во други земји е алатка за руско влијание и елемент на хибридна војна, се наведува во усвоениот закон.