Секоја вечер Ново Лисиче смрди на горена гума – надлежните спијат

Последните неколку вечери, населбата Ново Лисиче, во скопски Аеродром смрди на изгорена гума и пластика. Ноќе е, па не се гледа чад, но жителите се принудени да ги затворат прозорците. Реакциите на граѓаните се сѐ погласни, но отсуствува одговор од надлежните.

– Само што се јавив на 112, ми рекоа да се обратиме на општината. Ќе напишам утре мејл, ова е неподносливо секоја вечер. Неверојатно е колку се неспособни! – пишува една жителка на Ново Лисиче на социјалните мрежи.

„Милион пати пријавувано, и во државен завод да жив.средина, пишував и по портали и телевизии и кај ти не, ова е лудило. Да беше зима ќе викаа дека од куќите е што се греат, ама сега нема изговор и нигде ги нема. И пожари имаше таму и сигурнно знаат кои тие што не трујат…. ама ништо не се презема….“, опдговара друга.

„Да, секоја вечер! Ова не се поединци, ова е урбана мафија А толку е убаво времето деновиве, прекрасно лето со ветре што пирка, ниту клима вклучуваме преку ден, за мерак… Ама не, не можеме да уживаме навечер, чистиот воздух е луксуз. Принудени сме сите прозорци да ги затвориме, да се забарикадираме, под клима и со прочистувач. Буквално до 8 сабајле корне. На сите веќе до слошување ни е дојдено, со главоболки, мигрени, болни грла, не сакам ни да помислам што сѐ друго може да закачиме од оваа смрдеа… Години живот ни кратат!!! Само нѐ маткаат, де ваму јави се, де таму. Банда неработници седнати во фотељи!!! Што и да се обидам да пријавам ниту се јавуваат, ниту се замараат. Ако кренат некогаш слушалка, се јавува некој/а мутава, мрзеливоста и во гласот им ја насетувам, секој втор збор им е – не знам, јавете се таму и таму, тука ние не сме надлежни, Град Скопје е бла бла…На мејл да не спомнувам, никогаш одговор не добивам. Класични лешпери!“, заклучува друга.

„Дури не се блокира раскрсницата кај „Авионче“ (бул.„Србија“) и то по ред едно недела дена, се до тогаш со прст нема да мрднат“, повикува трет жител на протести и блокади

Преку ден, ќесто се забележуваат столбови чад кој најчесто доаѓа од Вардариште. Граѓани реагираат, пријавуваат… Доаѓа пожарна, го гаси пожарот и проблемот за дента е решен. Но, во вечерните часови, кога жителите шетаат низ парковите или седат на клупите меѓу зградите, секогаш некој прашува што се запалило. Мирисот е интензивен и потсетува на горена гума, но проблемот толку долго не е решен, што веќе и жителите само меѓусебно коментираат, а одамна се откажале од каква и да е интервенција ја надлежните да преземат нешто.

Сега, лето пред локални избори, изнервирани граѓаните прашуваат што различно се презело, за да гласаат за истиот градоначалник на Аеродом кој во моментот е вонреден, кога ни тој, како ни неговите претходници не презеле ништо. Општината најчесто одговара дека Вардариште не е на територија на Општина Аеродорм, туку на Гази Баба и тука е во право. Но, ветриштата и струењето на воздухот, целата смрдеа ја носи кон Аеродром, па останува прашањето зошто не седнат на иста маса, не појдат општинарите на гости кај колегите од гази Баба, па заедно да изнајдат решение. Секако, на еден таков состанок би требало да има и претставници од Град Скопје, оти проблемот не е само на лисичани, туку на цело Скопје.

Во меѓувреме, по објавување на текстот, се јави градоначалникот на Гази Баба, Бобан Стефковски, кој преку социјалните мрежи информира:

.