Канаѓанецот Дејвид нов фудбалер на Јувентус

Канадскиот репрезентативец Џонатан Давид е нов фудбалер на Јувентус, објави синоќа клубот од Торино.

Дваесетипетгодишниот Канаѓанец се пресели во редовите на Јувентус од Лил, и потпиша петгодишен договор со италијанскиот гигант.

Според „Газета дело Спорт“, Дејвид ќе заработува шест милиони евра по сезона.

Дејвид е првото засилување на Јувентус за новата сезона и треба да биде замена за српскиот репрезентативец Душан Влаховиќ, кој се очекува да го напушти клубот од Торино.

Канадскиот играч минатата сезона одигра 49 натпревари за Лил и постигна 25 голови, додавајќи и 12 асистенции.

Со 36 голови на 67 натпревари, Дејвид е најдобриот стрелец во историјата на канадската репрезентација.